الأردن: قرار يمنع غير الأردنيين من ممارسة بعض المهن يثير جدلًا واسعًا
4 ابريل 2023
أعلنت الحكومة الأردنية يوم الإثنين عن قائمة بمهن وأشغال يدوية يمنع غير الأردنيين من العمل فيها، وذلك ضمن قانون تنظيم البيئة الاستثمارية.
قائمة المهن تتكون من 11 مهنة تشمل العمل في مشاغل التطريز وخياطة الأزياء التراثية وصياغة الذهب والمجوهرات وإنتاج المياه المفلترة وتنقيتها وإنتاج، وكذلك تحميص القهوة وطحنها وتعبئتها بهدف، وصنع المنتجات الخزفية والفخارية وخدمة غسيل الملابس وكيها (دراي كلين)، بالإضافة إلى العمل في صالونات الحلاقة ومشاغل تنجيد الأثاث ومصانع الحلويات والمعجنات ومشاغل الحدادة والنجارة والألمنيوم والخراطة وتشكيل المعادن.
القرار الحكومي لاقى استهجانًا كبيرًا من أردنيين على وسائل التواصل الاجتماعي ووصفوه بالعنصري والمجحف، واتهموه بأنه جاء لصرف أنظار الأردنيين عن الفساد وسوء التصرف بموارد البلاد وإلهائهم بمشاحنات داخلية.
القرار الصادر بمنع "غير الأردنيين" من ١١ وظيفة غالبيتها حرفية هو قرار عنصري ومجحف بحق عدد كبير من الطبقة العاملة وتجاهل كامل لتاريخ الأردن الاجتماعي والاقتصادي اللي يوثق وصول كثير من الحرف إلى الأردن عبر المهاجرين اللي حملوا مهنهم وحرفهم ومعارفهم معهم. من متى احنا هيك؟ pic.twitter.com/0ut7xZw6tm
— نماء (@itsmenamaa) April 3, 2023
الشغلات هاي بتصرف النظر عن كونه السرقه والفساد هي اساس البطاله و الفقر بالبلد مش العماله الأجنبية
— Yaman Alqudah (@yaman_alqudah) April 4, 2023
و بشكل عام المفروض يؤخذ بعين الإعتبار انه هاي أُسر و عائلات عايشه من هالمهن و همه بشر وين يروحوا يعني ؟
و لو كان لا بد فتحديد نسب اكثر عدلًا من هاذ القرار https://t.co/SG9yXiK5HW
قطع الأعناق ولا قطع الأرزاق
— سَـــارّه 𓂆 (@iamsar8) April 4, 2023
المشكلة انه هاي المهن بالذات معظم الي فيها من جنسيات أخرى
مش فاهمة ليه في ناس مع القرار بدل ما يفكرو بطريقة يوفرو فرص عمل للشباب بدون ما تنقطع رزقة حدا ؟!! وعلى حساب عائلات رح يتوقف دخلهم الشهري https://t.co/zHB4VMP4sc
اغلب الكومنتس شاده على حالها بطريقه يعني بلاش تجيك جلطه، البطاله والفقر ما احت من سوري فاتح محل تنجيد لانه ما عنده خيار غير يكون، البطاله اجت من اكم حمار وسلسله قرارات وكومة حرامية، ففكونا حبايبي.
— Moutasim Almahameed (@Moutasim_alaa) April 4, 2023
بتقطعوا القلب وانتو زي الغنم بتمشوا عميان https://t.co/frKZToF2dN
الي بأيدو القرار يعني الي طول عمرهم عايشين بالأردن يموتو من الجوع ممنوع يشتغلو يترزقوا عادي عندكم،
— زينة (@Dr_Xena_) April 4, 2023
و أبناء الأردنيات؟
مش عارفة كيف بطلع قرار منع و الناس عادي مأيدة، لهالدرجة انعدام الإنسانية و ما بتفكرو الا بحالكم؟ حتى البلدان الي بتحكو عنها ما منعوا بس أعطو الأولوية لمواطنيها! https://t.co/8K1QkPtpWx
اشي شنيع ومش مفهوم ابداً والله، توفير فرص للاردنيين ما عمره كان على حساب منع غيرهم من الشغل في اشياء متل هيك! https://t.co/19Jk6ERNCp
— Safa (@SafaZghoul) April 4, 2023
وفقًا لعمون، فإن القائمة المعلن عنها ليست جديدة، إذ صدرت للمرة الأولى عام 2016 وضمت حينها 16 مهنة، إلا أن القانون الجديد جاء ليدمج بعضها ويسحب بعضها الآخر.
وزارة العمل كانت قد أعلنت في السابق عن قائمة بـ 28 مهنة يحظر على غير الأردنيين العمل فيها، وتضمنت مهنًا مكتبية مثل أعمال الطباعة والسكرتارية وإدخال البيانات والخدمات الإدارية، بالإضافة إلى مهن متعلقة بالتجارة مثل البيع بالجملة أو التجزئة أو التوزيع، ومهن متعلقة بأعمال بيع وتعبئة المحروقات في المحطات داخل حدود أمانة عمان الكبرى وبعض البلديات، وأعمال التصميم والديكورات وغيرها.
